You are here

«Ընտանիք» կենտրոն. «Բանականությունը հաղթանակ է տանում»

ՀՀ կրթության և գիտության նախարարության «Ընտանիք» մանկապատանեկան ստեղծագործական կենտրոնում սեպտեմբերի 25-ից 28-ը անցկացվեց «Բանականությունը հաղթանակ է տանում» խորագրով շախմատի մրցաշար:
Նպատակն էր սաների մոտ զարգացնել տրամաբանելու և կողմնորոշվելու կարողություններ, հաղթանակի  հասնելու ձգտում, բարձրացնել հետաքրքրությունը շախմատի նկատմամբ, խթանել համագործակցությունը շախմատի մարզադպրոցի հետ:
Մրցաշարն անցկացվեց օլիմպիական համակարգով, որտեղ «Ընտանիք» կենտրոնի և Գյումրու Տիգրան Պետրոսյանի անվան «Շախմատի մարզադպրոց» ՀՈԱԿ-ի սաները 3 օր շարունակ համառ և լարված պայքար մղեցին՝ լավագույն արդյունք ցուցաբերելու համար: 
Եզրափակիչ փուլում հաղթողները որոշվեցին միայն լրացուցիչ պարտիաներից հետո:  
«Ընտանիք» կենտրոնի փոխտնօրեն Ս. Պետրոսյանը պատվոգրերով և մրցանակներով պարգևատրեց առաջին երեք տեղերը գրավված շախմատիստներին՝ կենտրոնի սաներ Համլետ Պետրոսյանին՝  1-ին տեղ,  Վրեժ Կարապետյանին՝ 2-րդ տեղ, Աշոտ Կողպեցյանին՝ 3-րդ տեղ գրավելու համար:   Ս. Պետրոսյանը շնորհավորեց հաղթողներին՝ նրանց ցանկանալով հետագա հաջողություններ և նորանոր հաղթանակներ: 
 
Ք. Մանուկյան
      
29/09/2017