Կոմիտասի 150-ամյակին նվիրված ստեղծագործական աշխատանքների մրցույթ

Մրցույթի կազմակերպիչ
ՀՀ կրթության և գիտության նախարարության «Ընտանիք» մանկապատանեկան ստեղծագործական կենտրոն:
 
Մրցույթի թեմա
Մրցույթը նվիրվում է հայ երգահան, երգիչ, երաժշտական էթնոլոգ, երաժշտագետ, վարդապետ, բանահավաք, մանկավարժ, հայկական ազգային կոմպոզիտորական դպրոցի հիմնադիր մեծն Կոմիտասի հոբելյանական 150-ամյակին:
 
Մրցույթի նպատակ և խնդիրներ
Արժևորել մեծն Կոմիտասին և նրա թողած հարուստ ժառանգությունը
Զարգացնել մասնակիցների մասնագիտական կարողությունները 
Բացահայտել շնորհալի դեռահասներին 
Բարձրացնել արտադպրոցական կրթության դերը
 
Մրցույթին կարող են ներկայացնել հետևյալ ոլորտի աշխատանքներ.
նկարչություն,
դեկորատիվ-կիրառական արվեստ,
սահիկահանդես,
ռադիոէլեկտրոնիկա:
Աշխատանքները կարող են լինել անհատական կամ խմբային:
 
Մրցույթի մասնակիցներ
Մրցույթին կարող են մասնակցել 10-18 տարեկան դեռահասներ:
Մրցույթի մասնակիցները կդասակարգվեն հետևյալ տարիքային խմբերում.
10-13 տարեկան
14-18 տարեկան
 
Աշխատանքների ներկայացման պայմաններ
Աշխատանքներն ուղարկելիս կամ ներկայացնելիս անհրաժեշտ է նշել.
հեղինակի անունը, ազգանունը,
ստեղծագործության անվանումը,
տարիքը /խմբային աշխատանքի դեպքում մասնակիցների տվյալները/,
կրթական հաստատությունը, 
դասավանդող մանկավարժի անունը, ազգանունը,
էլ. hասցեն, հեռախոսահամարը,
բնակության հասցեն:
Աշխատանքները կարող են ներկայացվել նաև Էլեկտրոնային տարբերակով՝ PDF կամ JPG ձևաչափով /պահպանել վերոնշյալ պայմանները/:
 
Մրցույթի անցկացման և գնահատման կարգ
Մասնագիտական հանձնաժողովի կողմից մինչև սեպտեմբերի 20-ը կամփոփվեն մրցույթի արդյունքները և կորոշվեն նշյալ ոլորտներից մրցանակային աշխատանքները: 
Աշխատանքների գնահատման ընթացքում նախապատվությունը տրվելու է գաղափարի գեղարվեստական կատարման յուրօրինակությանը և որակին: 
Աշխատանքների ներկայացման վերջնաժամկետն է մինչև սեպտեմբերի 9-ը ներառյալ: 
Էլեկտրոնային տարբերակով ներկայացրած և հավանության արժանացած աշխատանքներն առձեռն ներկայացնել կամ փոստով ուղարկել ներքոնշյալ հասցեով /մրցույթի արդյունքների ամփոփելուց հետո կտրամադրվեն լրացուցիչ տեղեկություններ ներկայացելու ժամկետի վերաբերյալ/:
 
Աշխատանքներին ներկայացվող տեխնիկական պահանջներ
Սահիկահանդեսի նվազագույն տևողությունը պետք է լինի 3 րոպե, առավելագույնը՝ 5 րոպե:
Նկարները պետք է լինեն A2(420x594 մմ) կամ A3(297x420 մմ) չափի:
Դեկորատիվ-կիրառական արվեստի, ռադիոէլեկտրոնիկայի աշխատանքների ձևաչափերին վերաբերող հատուկ պահանջներ չկան:
Աշխատանքները կարող են կատարվել կերպարվեստի ցանկացած ճյուղի միջոցով և ցանկացած նյութով՝ ջրաներկ, գուաշ, ակրիլ, ածուխ, մետաղ, կավ, փայտ և այլն:
 
Պարգևներ
Յուրաքանչյուր տարիքային խմբում վերոնշյալ ոլորտների մրցանակային տեղեր զբաղեցրած աշխատանքների հեղինակները կպարգևատրվեն պատվոգրերով և մրցանակներով: Նախատեսված է նաև խրախուսական պարգևներ:
Ծրագրի շրջանակում կկազմակերպվի մրցանակային աշխատանքների ցուցադրություն՝ «Ընտանիք» կենտրոնում: 
 
Աշխատանքները ներկայացնել հետևյալ հասցեով.
Շիրակի մարզ, Գյումրի 3126, 
Անի թաղամաս, 11փողոց, 5/2     
 ՀՀ ԿԳՆ «Ընտանիք» ՄՊՍԿ ՊՈԱԿ
Հեռախոս +374 312 6 64 07
Էլ. հասցե՝ 403532@gmail.com կամ info@entanik.am
Ծրարի /ծանրոցի/ վրա պետք է լինի «Կոմիտասի 150-ամյակին նվիրված ձեռքի աշխատանքների մրցույթ» նշումը:
Մրցույթի հայտարարությունը տեղադրված է նաև www.entanik.am կայք էջում:
 
Ի գիտություն
Աշխատանքները վերադարձվում են:
                           
 
Տնօրինություն   01.04.2019թ.
 
       
 
 
01/04/2019