Հոկտեմբերի 25-ից նոյեմբերի 5-ը ԿԳՆ «Ընտանիք» մանկապատանեկան ստեղծագործական կենտրոնի շախմատի խմբակի 12 սան մասնակցեցին Գյումրու քաղաքապետարանի Տիգրան Պետրոսյանի անվան «Շախմատի մարզադպրոց» ՀՈԱԿ-ում տեղի ունեցած աշնանային որակավորման մրցաշարին:
Առաջնությանը մասնակցում էին Գյումրի քաղաքի տարբեր հաստատությունների սկսնակ, 4-րդ, 3-րդ և 2-րդ կարգային պատանի շախմատիստներ:
Մրցաշարի նպատակն էր զարգացնել սաների շախմատային և մարզական ունակությունները, նպաստել մարզական որակավորման բարձրացմանը։
«Ընտանիք» կենտրոնի սաները մրցաշարի արդյունքում գրանցեցին հետևյալ ցուցանիշները. Գևորգ Ղազարյանը զբաղեցրեց 1-ին տեղ՝ լրացնելով IV կարգ, Աշոտ Կողպեցյանը՝ 2-րդ տեղ՝ լրացնելով III կարգ, Համլետ Պետրոսյանը՝ 3-րդ տեղ՝ լրացնելով III կարգ: Հաղթող մասնակիցները պարգևատրվեցին պատվոգրերով:
Ք. Մանուկյան
27/10/2017