Նոյեմբերի 9-ին ԿԳՆ «Ընտանիք» մանկապատանեկան ստեղծագործական կենտրոնի դահլիճում տեղի ունեցավ սեղանի թենիսի մրցաշար՝ կենտրոնի սաների և Հայաստանի Ազգային Ագրարային Համալսարանի Շիրակի գյուղա
տնտեսական քոլեջի ուսանողների մասնակցությամբ:
Մրցաշարի նպատակն էր նպաստել սաների ֆիզիկական պատրաստվածության բարձրացմանը, ձևավորել առողջ ապրելակերպին հետևելու մշակույթ և խթանել հետաքրքրությունը սեղանի թենիսի նկատմամբ:
Առաջնությանը ներկա էին մանկավարժներ, ծնողներ և սաներ:
30 մասնակիցներ սկսեցին մրցապայքարը պատվավոր հորիզոնականներ զբաղեցնելու համար: Մեծ էր յուրաքանչյուրի մոտ հաղթանակի հասնելու ձգտումը: Դժվարին պայքարից հետո «Ընտանիք» կենտրոնի սաներ Սամվել Սարոյանը, Նելսիկ Սարոյան և Գրիգոր Գրիգորյանը զբաղեցրեցին համապատասխանաբար 1-ին, 2-րդ և 3-րդ մրցանակային տեղերը: Կենտրոնի փոխտնօրեն Ս. Պետրոսյանը հաղթողներին հանձնեց պարգևներ:
Ներկաները բարձր գնահատեցին մասնակիցների տեխնիկական ու տակտիկական հնարքները և նրանց մաղթեցին նորանոր բարձրունքներ սեղանի թենիսի բնագավառում:
Ս. Վարդանյան
10/11/2017