Հ Ա Յ Տ Ա Ր Ա Ր ՈՒ Թ Յ ՈՒ Ն
«Մենք ենք մեր քաղաքը» ստեղծագործական աշխատանքների մրցույթի
Մրցույթի կազմակերպիչ
ՀՀ կրթության և գիտության նախարարության «Ընտանիք» մանկապատանեկան ստեղծագործական կենտրոն
Մրցույթի թեմա
Գյումրու կոլորիտին բնորոշ աշխատանքներ
Մրցույթի նպատակ և խնդիրներ
- Զարգացնել մասնակիցների ստեղծագործական միտքն ու կարողությունները
- Ստեղծագործական աշխատանքների միջոցով ներկայացնել գյումրվա ինքնատիպ կոլորիտը
- Բարձրացնել հետաքրքրությունը քաղաքին բնորոշ արհեստի և արվեստի ճյուղերի նկատմամբ
- Բացահայտել շնորհալի դեռահասների ստեղծագործական ներուժն
- Բարձրացնել արտադպրոցական կրթության դերը
Մրցույթին կարող են ներկայացնել հետևյալ ոլորտի աշխատանքներ.
- Նկարչություն
- Դեկորատիվ-կիրառական արվեստ
- Ռադիոէլեկտրոնիկա
Աշխատանքները կարող են լինել անհատական կամ խմբային:
Մրցույթի մասնակիցներ
Մրցույթին կարող են մասնակցել 6-18 տարեկան դեռահասներ:
Մրցույթի մասնակիցները կդասակարգվեն հետևյալ տարիքային խմբերում.
- 6-9 տարեկան,
- 10-13 տարեկան,
- 14-18 տարեկան:
Աշխատանքների ներկայացման պայմաններ
Աշխատանքներն ուղարկելիս կամ ներկայացնելիս անհրաժեշտ է նշել.
- հեղինակի անունը, ազգանունը,
- ստեղծագործության անվանումը,
- տարիքը /խմբային աշխատանքի դեպքում մասնակիցների տվյալները/,
- կրթական հաստատությունը,
- դասավանդող մանկավարժի անունը, ազգանունը,
- էլ. hասցեն, հեռախոսահամարը,
- բնակության հասցեն:
Մրցույթի անցկացման և գնահատման կարգ
Մասնագիտական հանձնաժողովի կողմից մինչև օգոստոսի 31-ը կամփոփվեն մրցույթի արդյունքները և կորոշվեն նշյալ ոլորտներից մրցանակային աշխատանքները:
Աշխատանքների գնահատման ընթացքում նախապատվությունը տրվելու է գաղափարի գեղարվեստական կատարման յուրօրինակությանը, որակին և ստեղծագործական մոտեցմանը:
Աշխատանքների ներկայացման վերջնաժամկետն է մինչև օգոստոսի 28-ը ներառյալ ժամը 18:00:
Աշխատանքներին ներկայացվող տեխնիկական պահանջներ
Նկարները պետք է լինեն A2(420x594 մմ) կամ A3(297x420 մմ) չափի:
Դեկորատիվ-կիրառական արվեստի, ռադիոէլեկտրոնիկայի աշխատանքների ձևաչափերին վերաբերող հատուկ պահանջներ չկան:
Աշխատանքները կարող են կատարվել կերպարվեստի ցանկացած ճյուղի միջոցով և ցանկացած նյութով՝ ջրաներկ, գուաշ, ակրիլ, ածուխ, մետաղ, կավ, փայտ և այլն:
Պարգևներ
Յուրաքանչյուր տարիքային խմբում վերոնշյալ ոլորտների մրցանակային տեղեր զբաղեցրած ստեղծագործական աշխատանքների հեղինակները կպարգևատրվեն պատվոգրերով:
Մրցանակային աշխատանքները կցուցադրվեն Գյումրու օրվան նվիրված քաղաքային միջոցառմանը, «Ընտանիք» և Ջավախքի կրթամշակութային հաստատություններում:
Աշխատանքները ներկայացնել ներքոնշյալ փոստային և էլեկտրոնային հասցեներով։
Շիրակի մարզ, ք․ Գյումրի 3126, Անի թաղամաս, 11փողոց, 5/2
ՀՀ ԿԳՄՍՆ «Ընտանիք» ՄՊՍԿ ՊՈԱԿ
Հեռախոս +374 312 6 64 07
Էլ. հասցե՝ s.petrosyan@entanik.am , info@entanik.am
Մրցույթի հայտարարությունը տեղադրված է նաև www.entanik.am կայք էջում
Ի գիտություն
Ուղարկված աշխատանքները վերադարձվում են:
Տնօրինություն 05.06.2023թ.
