![](/sites/default/files/u35/_MG_2733_1.jpg)
Առաջնությանը մասնակցում էին 100-ից ավելի մարզիկներ Ղազախստանից, Վրաստանից, Ջավախքից և Հայաստանի տարբեր շրջաններից:
Գյումրու ‹‹Ընտանիք›› մանկապատանեկան ստեղծագործական կենտրոնի մարտական արվեստի խմբակի սաներն այս ասպարեզում ևս ունեցան ձեռքբերումներ: Մրցաշարին կենտրոնի մասնակից 8 սաներ գրավեցին մրցանակային տեղեր: Տարբեր տարիքային խմբերում և քաշային կարգերում 3 սան դարձան արծաթե մեդալակիրներ՝ զբաղեցնելով 2-րդ հորիզոնականը, իսկ 5 սան՝ բրոնզե մեդալակիրներ՝ զբաղեցնելով 3-րդ հորիզոնականը: Մասնակիցները պարգևատրվեցին նաև պատվոգրերով:
Կենտրոնի սաներն իրենց հաղթանակը նվիրեցին սահմանապահ զինվորներին՝ մաղթելով նրանց ուժ, ամրություն և աննկունություն:
Մրցաշարի անցկացումը նպատակ ուներ բացահայտելու լավագույն մարզիկներին, որոնք հնարավորություն կունենան մասնակցելու Եվրոպայի և աշխարհի առաջնություններին:
Որպես գլխավոր մրցավար ընտրված էր Գյումրու ‹‹Ընտանիք›› կենտրոնի մարտական արվեստի խմբակի խմբավար, Կյոկուշինկայ կարատե դո-ի սև գոտի առաջին դան Սարգիս Վարդանյանը:
Մրցաշարի ավարտին Ս. Վարդանյանը Վրաստանի Կյոկուշինկայ կարատե դո-ի ֆեդերացիայի նախագահի կողմից ստացավ առաջարկ հաջորդ տարի՝ որպես գլխավոր մրցավար անցկացնել Վրաստանի հանրապետությունում տեղի ունեցող Կովկասի առաջնությունը:
Հ. Սարգսյան