Ծրագիրը նախատեսված է 5-ից մինչև 18 տարեկան դեռահասների համար:Ուսուցման տևողությունը՝ 1 տարի:
Խմբակում սովորողների թիվը՝ 9-15 սան:
Պարապմունքների անցկացման ձևը՝ խմբային և անհատական:
Պարապմունքների տևողությունը `
1 դասաժամի տևողությունը 45 րոպե, շաբաթական՝ 6-8 դասաժամ:
Ուսումնական գործընթացն իրականացվում է տեսական և գործնական պարապմունքների զուգորդման միջոցով:
Խմբասենյակում ուսումնական գործընթացի կազմակերպման համար ստեղծված են բոլոր անհրաժեշտ պայմանները՝ նկարակալներ, քանդակներ, բնանկարներ և նկարելու անհրաժեշտ պարագաներ:
Մանրանկարչության խմբակի սաները ծանոթանում են մանրանկարչությանը, գծանկարների կառուցմանը, գունային տեխնիկային, օգտագործվող նյութերին, սովորում են նկարել այդ նյութերով և ճիշտ կրկնապատկերել մեծ վարպետների աշխատանքները՝ ստեղծագործելով մանրանկարչության ոճով: Ծանոթանում են նաև հայ հոգևոր արժեքներին, ձեռագիր Աստվածաշնչներին, երկրաչափական, բուսական և կենդանական զարդանախշերի բազմազանությանը, հայ և օտար ազգի արվեստի ճանաչված վարպետներին և նրանց ստեղծագործություններին:
Ուսուցման արդյունքը.
• Մանրանկարները վարժ արտանկարելու և մանրանկարչության ոճով ստեղծագործելու կարողություն:
• Գույների ներդաշնակությունը պահպանելու հմտություններ:
• Առօրյայի նպատակահարմար և արդյունավետ կազմակերպում:
