Դասի նպատակն էր հարստացնել սաների իմացական մակարդակը լրացուցիչ գիտելիքներով, ձևավորել հետազոտական աշխատանքներ կատարելու ունակություններ, զարգացնել տեղեկատվությունը նպատակային մշակելու և ներկայացնելու կարողություն:
Սաները պատմական էքսկուրս կատարեցին տեղեկատվական տեխնոլոգիաների հարուստ և զարգացած դարաշրջան՝ կարևորելով ՏՀՏ-ի դերն ու նշանակությունը:
Սահիկաշարի միջոցով դեռահասները ներկայացրին տեղեկատվություն առաջին անհատական համակարգիչների, ՏՏ-ի կիրառման ոլորտների մասին: Պատրաստված սահիկաշարում ընդգրկված էին նաև մասնագիտական խաղեր և վարժություններ: Ստուգվեց սաների արագ կողմնորոշվելու ունակությունները և ձեռք բերած գիտելիքները:
Դասի ընթացքում ներկայացվեց նաև Հայաստանի ՏՏ ոլորտի վերաբերյալ վիճակագրական տվյալներ, ցուցադրվեց ՏՏ-ի կիրառման ռազմական ոլորտի վերաբերյալ հետաքրքիր տեսանյութ:
Դասի ավարտին սաները, որպես ուշագրավ փաստ, սաները ներկայացրին ՏՏ ոլորտի նորարարությունները՝ համակարգիչ գրիչի և հայերի ստեղծած Smart ժամացույցի մասին:
Բաց դասն ավարտվեց «ՏՏ ոլորտում 5 տարի անց ի՞նչ նոր ձեռքբերումներ կարձանագրվեն» հարցադրմամբ, որի շուրջ ծավալվեց քննարկումներ և հնչեցին հետաքրքիր գաղափարներ ու կարծիքներ:
Կ. Գրիգորյան
24/12/2018