Հետևեք մեզ.

Դուդուկ

Սովորողների տարիքային խումբը՝ 8-ից 18 տարեկան
Սովորողների քանակը ՝ 7-ից ոչ պակաս
Պարապմունքների տևողությունը `1 դասաժամի տևողությունը 45 րոպե, շաբաթական՝ 8 դասաժամ
Ուսուցման տևողությունը ՝ երեք տարի

Խմբակում սաներին կներկայացվի հայկական հանգույն նվագարանի՝ դուդուկի ստեղծման պատմությունը, որի երաժշտությունը 2005 թ. ՅՈՒՆԵՍԿՕ-ն հռչակել է Մարդկության բանավոր և ոչ նյութական մշակութային ժառանգության գլուխգործոցներից մեկը: Դասընթացներին սաները կծանոթանան հայկական ժողովրդական երաժշտական մշակույթի առանձնահատկություններին: Շեշտադրվում է հայ դուդուկահար վարպետների թողած ժառանգությունը, որոնց անդրադառնալու յուրովի մոտեցում է մշակվում: Սաները կսովորեն տարբեր ոճերում ստեղծագործող կոմպոզիտորների  նվագարանի համար հատուկ գրված ստեղծագործությունների կատարողական արվեստի հմտությունները, ինչը կզարգացնի նրանց գեղագիտական, երաժշտական ճաշակը: Ուսուցանել դուդուկահարների համույթին ճիշտ և գրագետ ելույթ ունենալ երգչախմբի և այլ ժողովրդական գործիքների նվագակցությամբ։
Տարաբնույթ միջոցառումներում բեմելները կձևավորեն հարգանք մեծ վարպետների արվեստի և նվագարանի նկատմամբ, բեմական էթիկա, կատարողական տեխնիկա: 
 

ՈՒՍՈՒՑՄԱՆ ՁԵՎԵՐԸ

Ծրագիրն իրականացվում է տեսական և գործնական պարապմունքների զուգորդմամբ: Յուրքանչյուրի սանի հետ տարվում է անհատական աշխատանք, նվագարանին լիարժեք տիրապետելուց հետո աշխատանքաը շարունակվում է խմբային: Հատուկ խաղերի միջոցով կատարվում են շրթունքների և մատների վարժանքներ, որոնք հաճախ կիրառվում են ավելի արագ ռիթմիկ երաժշտության ներքո: Տարվում են աշխատանքներ բեմական կեցվածքի, էթիկայի նորմերի տիրապետման ուղղությամբ: Սաները խմբակ հաճախելու ժամանակահատվածում իրենց սովորած գիտելիքներն ու կարողությունները ցուցադրում են համերգների տարբեր կրթամշակութային միջոցառումների ժամանակ։ 
 
 

ԾՐԱԳՐԻ ԱՐԴՅՈՒՆՔՆԵՐԸ

Ծրագրի շրջանակում սովորողները պետք է ՝

  • տիրապետեն նվագարանի նրբություններին, կատարողական արվեստին,

  • պահպանեն գործիքի ճիշտ օգտագործման կանոնները,

  • կարողանան  հմտորեն կիրառեն դուդուկը,

  • պահպանեն ձեռք բերած երաժշտական համապատասախան գիտելիքները և ակտիվորեն մասնակցեն մրցույթ-փառատոններին: