«Ես եմ մեդիան» խորագրով պատանեկան ֆորում նվիրված Հեռուստատեսության համաշխարհային օրվան

«Ես եմ մեդիան» խորագրով պատանեկան ֆորում նվիրված Հեռուստատեսության համաշխարհային օրվան

Հեռուստատեսության համաշխարհային օրվան նվիրված՝ «Ես եմ մեդիան» խորագրով պատանեկան ֆորում ծրագրի շրջանակում կենտրոնի մեդիագրագիտության, ստեղծագործական լրագրության, բարեկրթություն և խոսքի վարպետության խմբակների սաները մասնակցեցին Երկխոսության մեդիա կենտրոնում անցկացված «ԶԼՄ-ների էթիկայի Դիտորդ մարմնի առաքելությունն ու գործունեությունը» թեմայով ուղիղ եթերին:

Թեմայի բանախոսներն էին՝ Երեւանի մամուլի ակումբի նախագահ, ԶԼՄ-ների էթիկայի Դիտորդ մարմնի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ, Դիտորդ մարմնի անդամ՝ Աշոտ Մելիքյանը, Մեդիա փորձագետ՝ Մեսրոպ Հարությունյան, ԶԼՄ-ների էթիկայի Դիտորդ մարմնի փորձագետ՝ Հակոբ Կարապետյանը և Գյումրու ժուռնալիստների «Ասպարեզ» ակումբի խորհրդի նախագահ՝ Լեւոն Բարսեղյանը:

Մեդիա փորձագետ Մեսրոպ Հարությունյանը ներկայացրեց, թե ինչպես է 2007 թվականին Հայաստանի 18 ԶԼՄ-ների ներկայացուցիչների կողմից մշակվել մասնագիտական էթիկական կանոնագիրը, ստեղծվել ԶԼՄ-ների էթիկայի Դիտորդ մարմինը, որին իրավունք է վերապահված քննելու լրատվամիջոցների գործողությունների ու հրապարակումների համապատասխանությունը:

Սաները բանախոսների ելույթներով ծանոթացան, թե ինչու՞ է կարևոր լրագրությունը և ինչու՞ է ազատ մեդիան ժողովրդավարական հասարակության հիմնասյուներից մեկը համարվում:

«Լրագրության առաջնահերթ նպատակը քաղաքացիներին ազատ և ինքնիշխան լինելու համար անհրաժեշտ տեղեկատվությամբ ապահովելն է,այլ ոչ խեղված տեղեկտավություն հաղորդելը»,-շեշտեց խոսքի ազատության պաշտպանության կոմիտեի նախագահ՝ Աշոտ Մելիքյանը:

Որքան ազատ և ուժեղ են լրատվամիջոցները, այնքան հասարակությունը տեղյակ է երկրում կատարվող իրադարձություններից, այնքան մարդիկ ներգրավված են քաղաքական ու քաղաքացիական գործընթացներում և մասնակցում են որոշումների ընդունմանը: Հարցուպատասխանի միջոցով սաները ստացան իրենց հուզող թեմաների վերաբերյալ ճշգրիտ տեղեկություններ, թե ինչպե՞ս պետք է արձագանքի լրատվամիջոցը մշակութային, քաղաքական, տնտեսական, ոլորտային այլ կարևոր թեմաներ լուսաբանելիս, ինչպե՞ս պահպանել անաչառության սկզբունքը ու չհատնվել ԶԼՄ-ների էթիկայի Դիտորդ մարմին քննական աթոռին: