Սիրելի՛ սաներ, մանկավարժներ, ծնողներ և կրթամշակութային ոլորտի նվիրյալներ,

Սրտանց շնորհավորում ենք Ձեզ գիտելիքի օրվա կապակցությամբ, որը նշանավորում է նոր ուսումնական տարվա սկիզբը։ Այս օրը խորհրդանշում է նոր էջերի բացում՝ գիտելիքի, ինքնաճանաչման և զարգացման ճանապարհին։ Գիտելիքը ուժ է, որն հարստացնում է մեր միտքը, կերտում է մեր աշխարհընկալումը և դարձնում մեզ ժամանակակից աշխարհի լիարժեք քաղաքացիներ։ Կրթությունը՝ որպես ազգի առաջընթացի հիմք, այսօր ավելի քան երբևէ պահանջում է նվիրվածություն, պատասխանատվություն և շարունակական զարգացում։ Թող այս նոր ուսումնական տարին լինի լի նոր հնարավորություններով, ստեղծագործ մոտեցումներով և արժանապատիվ հաղթանակներով։ Հատուկ երախտագիտություն ենք հայտնում մեր ուսուցիչներին՝ իրենց տքնաջան աշխատանքի և սերունդներ կրթելու դժվարին ու պատվաբեր առաքելության համար։ Բոլորին մաղթում ենք հաջողություն, առողջություն, անսպառ եռանդ և մաքուր ճանապարհ դեպի գիտելիքի բարձունքներ։

Թող գիտելիքը միշտ լինի մեր ճանապարհի լույսը։

Հարգանքներով՝ տնօրենություն