Ռադիոէլեկտրոնիկա

Ուսուցման տևողությունը՝ 3 տարի: 

Խմբակում սովորողների թիվը՝ 8-12 սան:

Պարապմունքների անցկացման ձևը՝ խմբային և անհատական:

Պարապմունքների տևողությունը `

-  1 դասաժամի տևողությունը 45 րոպե, շաբաթական՝  6-8 դասաժամ:

 

Ուսումնական գործընթացն իրականացվում է տեսական և գործնական պարապմունքների զուգորդման միջոցով:

Խմբասենյակը հագեցած է ուսումնառությանն անհրաժեշտ սարքերով, գործիքներով և ուսումնական գործընթացի կազմակերպման համար անհրաժեշտ այլ պարագաներով:

Ռադիոէլեկտրոնիկայի խմբակում սաները սովորում են աշխատանքին համապատասխան նախապատրաստել սարքավորումները, գործիքները և նյութերը, օգտվել գծագրերից և պայմանական նշաններից, հավաքել, կարդալ և մշակել տարբեր տիպի սխեմաներ, բացահայտել սարքավորումների անսարքությունների և թերությունների պատճառները. պահպանելով սահմանված տեխնոլոգիան՝ փոխել ռադիոէլեմենտները և հանգույցները, ստուգել և փորձարկել վերանորոգված սարքավորումների աշխատանքը,  տեղադրել ալեհավաքներ և կարգավորել դրանց աշխատանքը, ապահովել համատեղ աշխատող սարքերի աշխատանքի համադրելիությունը, կարգավորել սարքավորումների աշխատանքի օպտիմալ ռեժիմները, պահպանել անվտանգության կանոնները:

Սաները սովորում են կատարել շարժիչների ընթացիկ սպասարկման աշխատանքներ՝ մաքրում, ածուխների փոխում, առանցքակալների վիճակի ստուգում և յուղում:

 Ծանոթանում են ռադիոկապի հիմունքներին, կարողանում են ինքնուրույն ստեղծագործել և հավաքել ռադիոսարքեր:

Սաների աշխատանքները ցուցադրվում են կենտրոնի ցուցասրահում, լավագույն աշխատանքները ներկայացվում են  հանրապետական փառատոններին և մրցույթներին:

 

 

Ուսուցման արդյունքը.

 

• Գծագրերից և պայմանական նշաններից ճիշտ օգտվելու կարողության ձեռքբերում:

• Անսարքությունների բացահայտում  և վերացում:

• Ռադիոէլեկտրոնային սարքավորումների վերանորոգում և սպասարկում:

• Ռադիոէլեկտրոնային սարքավորումների հետ աշխատելու հմտությունների ձևավորում:

• Մասնագիտական ճիշտ կողմնորոշման ձեռքբերում:

• Առօրյայի նպատակահարմար և արդյունավետ կազմակերպում: