Հետևեք մեզ.
thumb

Դհոլ

Սովորողների տարիքային խումբը՝ 6-ից 18 տարեկան
Սովորողների քանակը ՝ 7-ից ոչ պակաս
Ժամաքանակ՝ շաբաթական՝ 8 դասաժամ
Պարապմունքների տևողությունը `1 դասաժամի տևողությունը 45 րոպե, շաբաթական՝ 6-8 դասաժամ
Ուսուցման տևողությունը ՝ երկու տարի

Մեծ է ազգային նվագարանների դերը ժողովուրդների երաժշտական մշակույթի ասպաեզում: Խմբակում սաներին կուսուցանվի հարվածային ազգային նվագարանից՝ դհոլի ստեղծման պատմությունը, նվագարանի կառուցվածքային առանձնահատկությունները, տեսակները: Կծանոթանան երաժշտական գործիքի կատարողական տեխնիկային, հնչյունային ելևէջներին: Դասընթացներին կշեշտադրվեն հայ և արտասահմանյան դհոլահար վարպետների երաժշտարվեստի գործերը, կատարողական մոտեցումները, որոնք կկիրառեն նաև սաները: Կուսուցանվեն տարբեր ոճերի ստեղծագործություններ, որոնք հնչել են  ծիսական արարողություներին, կրոնական ծեսերին, ռազմահայրենասիրական երգերի և այլ մշակութայի միջոցառումներին, ինչի արդյունքում կամրապնդվի  սաներ երաժշտական գիտելիքները: Սաները հանդես կգան երգչախմբերում, ժողովրդական գործիքների նվագակցությամբ, ինչի արդյունքում կձևավորի նաև սաների մոտ բեմական մշակույթ, կպահպանեն մեծ վարպետների արվեստը և կնպաստեն նվագարանի հանրայնացմանը: 

ՈՒՍՈՒՑՄԱՆ ՁԵՎԵՐԸ

Ծրագիրն իրականացվում է տեսական և գործնական պարապմունքների զուգորդմամբ: Յուրքանչյուրի սանի հետ տարվում է անհատական աշխատանք, նվագարանին լիարժեք տիրապետելուց հետո աշխատանքը շարունակվում է խմբային: Հատուկ խաղերի միջոցով կատարվում են մատների հատուկ վարժանքներ, որոնք հաճախ կիրառվում են ռիթմիկ երաժշտության ներքո: Տարվում են աշխատանքներ բեմական կեցվածքի, էթիկայի նորմերի տիրապետման ուղղությամբ: Կազմակերպվում են բաց դասեր, այցելություններ երաժշտական նվագախմբեր, անցկացվում վարպետաց դասեր, փորձի փոխանակում: 
 

ԾՐԱԳՐԻ ԱՐԴՅՈՒՆՔՆԵՐԸ

Ծրագրի շրջանակում սովորողները պետք է ՝

  • տիրապետեն նվագարանի նրբություններին, կատարողական տեխնիկային,

  • պահպանեն գործիքի ճիշտ օգտագործման կանոնները,

  • կարողանան  հմտորեն կիրառեն նվագարանը,

  • պահպանեն ձեռք բերած երաժշտական գիտելիքները և ակտիվորեն մասնակցեն մրցույթ-փառատոններին: