Հագուստի մոդելավորում

Սովորողների տարիքային խումբը՝ 10-ից 18 տարեկան
Սովորողների քանակը ՝ 7-ից ոչ պակաս
Պարապմունքների տևողությունը `1 դասաժամի տևողությունը 45 րոպե, շաբաթական՝ 8 դասաժամ
Ուսուցման տևողությունը ՝ երեք տարի

Խմբակում սաները ստանում են բազային գիտելիքներ հագուստի,  ազգային տարազների մոդելավորման, ձևածքի մասին:  Սովորում են կարի մեքենասարքավորումների օգտագործման ձևերը, ծանոթանում նյութերի, օժանդակ պարագաների կիրառությանը: Ուսումնասիրում են հագուստի ոճերը:  Ձեռք են բերում պարզ և բարդ կարատեսակներ կատարելու հմտություններ: Սովորում են էսքիզներ կատարել՝ պահպանելով  մարդու մարմնի համաչափությունները: Ստացած մասնագիտական տեսական ու գործնական գիտելիքների հիման վրա սովորում են կարել տարբեր ձևի և ոճի հագուստներ: 
Հագուստի մոդելավորման ոճին համահունչ կկիրառվեն հայկական զարդանախշեր և զարդապատկերներ: Ձեռք կբերեն հագուստը նորոգելու և ձևափողելու  կարողություն:
Ուսումնասիրելով հագուստի մոդելավորումը՝ որպես դեկորատիվ-կիրառական արվեստի ճյուղ, սաները կամրապնդեն մասնագիտական գիտելիքները, հմտություններն ու կարողությունները՝ պահպանելով ազգային գեղագիտական արժեքները:

ՈՒՍՈՒՑՄԱՆ ՁԵՎԵՐԸ
Ուուցումն իրականացվում է խմբային և անհատական ձևերով՝ տեսական և գործնական պարապմունքների զուգորդման միջոցով:
Իրականացվում են  բաց դասեր, ցուցադրություններ, ճանաչողական այցեր թանգարններ, պատկերասրահներ, կարի արտադրամասեր: Մասնակցություններ միջազգային, հանրապետական մրցույթ-փառատոնների: 
 

ԾՐԱԳՐԻ ԱՐԴՅՈՒՆՔՆԵՐԸ 

Ծրագրի շրջանակում սովորողները պետք է՝

• կատարեն լեգալների գծագրում,

• կարողանան էսքիզը տեղադրել կտորի վրա և ստանալ նախատեսած հագուստը,

•  ճիշտ կիրառեն ձեռք բերված մասնագիտական գիտելիքները,

• գրագետ օգտվեն մեքենասարքավորումներից և գործիքներից,

• կարողանան վերացնել պատրաստի աշխատանքների թերությունները: