Մանրանկարչության խմբակի  սաներն ուսումնասիրում են հայկական  զարդարվեստ, դիմանկար, կոմպոզիցիա, գույների տեխնիկա, գծագրություն: Կատարում են ստեղծագործական աշխատանք՝ համադրելով և պահպանելով հայ միջնադարյան մանրանկարչության դպրոցների ոճերը,  ծանոթանում են մանրանկարչության գործընթացի կատարման փուլերին: Դասընթացին սաները նկարում են նատյուրմորտներ, կոմպոզիցիոն աշխատանքներ: Ծանոթանալով հայկական մանրանկարչության, զարդարվեստին և դիմանկարչությանը, հմտանալով  գունանկարչության  և գծանկարչության մեջ, կստեղծեն տարբեր թեմաներով ստեղծագործական աշխատանքներ:   

ՈՒՍՈՒՑՄԱՆ ՁԵՎԵՐԸ

Ծրագրի շրջանակում սովորողները պետք է՝

• իմանան մանրանկարչության գործընթացի կատարման փուլերը, հայ միջնադարյան զարդարվեստի  ոճերը և պատկերների կատարման տեխնկան,

• կատարեն մանրանկարի արտանկարում, պահպանելով գունային լուծումները,

• կատարեն ստեղծագործական աշխատանք՝ համադրելով և պահպանելով հայ միջնադարյան մանրանկարչության դպրոցների ոճերը, 

• ակտիվորեն մասնակցեն նկարչական մրցույթ-ցուցահանդեսներին և փառատոններին: