Մարտական արվեստ

Սովորողների տարիքային խումբը՝ 6-ից 18 տարեկան
Սովորողների քանակը ՝ 8-ից ոչ պակաս
Պարապմունքների տևողությունը `1 դասաժամի տևողությունը 45 րոպե, շաբաթական՝ 6-8 դասաժամ
Ուսուցման տևողությունը ՝ երկու տարի

Ծրագրի ընթացքում սաներին ուսուցանվում են՝ ինքնապաշտպանական և մարտական արվեստի հմտությունների կիրառման տեխնիկա, ներկայացվում է ձեռնամարտի հատուկ տակտիկական հնարքներ: Մարզաձևում կարևորվում է նաև անձի ինքնակատարելագործման կամային հատկանիշների ձևավորումը և դաստիարակումը: Սաներին ներկայացվում են ուժային և ակտրոբատիկ վարժություններ, ձեռքի, ոտքերի հարվածներ, հարձակողական և պաշտպանական հնարքներ, կատաներ: Բաց դասերին, վարպետաց և մրցավարական սեմինար-պարապմունքներին, սաները ձեռք կբերեն մասնագիտական հմտություներ, կարողություններ, որոնք հետագայում կիրառելու և հաջողություններ գրանցելու արդյունքների գրավական կլինեն: Կձևավորվի հաջողություններ գրանցած սաների հավաքական թիմը, որը կմասնակցի միջազգային, հանրապետական, մարզային, քաղաքային մրցումներին, ինչպես նաև ցուցադրական ելույթներին:

ՈՒՍՈՒՑՄԱՆ ՁԵՎԵՐԸ
Ուսումնական գործընթացն իրականացվում է առկա տեսական և գործնական պարապմունքների զուգորդման միջոցով:
Խմբակում կարող են լինել տարբեր ժամանակում ընդունված սաներ, նոր սաներին տրվում է համապատասխան թեմատիկ առաջադրանք՝ ներկայացնելով աշխատանքի ընթացքը, կատարման տեխնոլոգիան և ընթացքում կատարվում շտկումներ:
Յուրաքանչյուր պարապմունքի ընթացքում մանկավարժը բացահայտում է սանի գործնական կարողությունները, ըմբռնում նրա ֆիզիկական պատրաստվածությունը, հնարավորություն ընձեռում սանին օգտագործելու իր ստացած գիտելիքները:

Ուսուցման ԱՐԴՅՈՒՆՔՆԵՐԸ

Ծրագրի շրջանակում սովորողները պետք է՝

ունենան կյոկուշինկայ կարատեին տիրապետելու կարողություններ և հմտություններ,
արժանապատվորեն տանեն պարտությունը,
վերլուծեն սեփական գործողությունները,
այլընտրանքային ուղիներով հաղթանակի հասնելու կարողություն,
հակառակորդի մարտական հարձակումների կանխատեսում և կանխում,
լինեն մարտահրավերներին դիմակայող, վերլուծող, համադրող, նախաձեռնող,
կայացնեն ինքնուրույն որոշումներ, վարեն ազնիվ և գրագետ մենամարտեր,
կարևորեն արտադպրոցական կրթության դերը նախամասնագիտական կողնորոշման մեջ: