Փափուկ հմտություններ

Սովորողների տարիքային խումբը՝ 8-ից 18 տարեկան
Սովորողների քանակը ՝ 8-ից ոչ պակաս սովորող
Ժամաքանակ՝ շաբաթական 6 դասաժամ
Ուսուցման տևողությունը ՝ երկու տարի

Խմբակում ուսուցանվում են՝ բարեվարքության կանոններ, սաների մոտ ձևավորվում են նպատակասլացություն, ինքնավստահություն, ինքնարտահայտվելու, թիմում աշխատելու կարողություններ: Դասընթացներին սաներին կուսուցանվեն ինչպես ժամանակի ճիշտ կառավարման արդյունքում ձեռք բերել պարտաճանաչության և պատասխանատվության սկզբունքներ: Կներկայացվեն բիզնես ոլորտի առանձնահատկությունները, աշխատաշուկայի առաջարկ-պահանջարկը, գործատուի հետ հաղորդակցման սկզբունքները: Կուսուցանվեն ինչպես գրել և գրագետ ներկայացնել բիզնես ծրագրերը: Ուսումնառության ընթացքում կբացահայտվեն նաև խնդրահարույց վարքագիծ դրսևորող սաները՝ կստեղծվի հանդուրժողականության մթնոլորտ, և կձևավորվի միջանձնային դրական հարաբերություններ: Կկարևորվի հայրենասիրական դաստիարակության դերն ու նշանակությունը քաղաքակիրթ անձի ձևավորման առումով:

ՍՈՒՑՄԱՆ ՁԵՎԵՐԸ

Ուսուցումն իրականացվում է տեսական և գործնական պարապմունքների զուգորդմամբ:
Յուրաքանչյուր սովորողին ցուցաբերվում է  անհատական մոտեցում`  հաշվի առնելով նրա կարողություններն ու հմտությունները:
Ուսուցման ընթացքում կիրառվում է տարբեր մեթոդներ՝  ունկնդրում, ֆիլմի դիտում և քննարկում, սահիկաշարների միջոցով թեմաների բացատրում և վերլուծություն, մտքերի գրավոր և բանավոր արտահայտում, երկխոսություն, դերային խաղ, որոնց շնորհիվ սաների մոտ կձևավորվի ազատ, քննադատական  մտածողություն և արտահայտվելու հմտություն։
Կազմակերպվում են ճանաչողական այցեր,հանդիպումներ գործատուների հետ, էքսկուրսիաներ, քննարկումներ և նմանատիպ այլ կրթամշակութային միջոցառումներ:
 

ԾՐԱԳՐԻ  ԱՐԴՅՈՒՆՔՆԵՐԸ

Ծրագրի շրջանակում սովորողները պետք է՝

• ունենան հաղորդակցման կարողություն և հմտություն,

• կարողանան մշակել բիզնես գաղափարներ և ներկայացնեն,

• կարողանան աշխատաշուկայի վերլուծություն կատարել,

• աշխատեն թիմային սկզբունքով,

• ունենան քաղաքավարության տարրական կանոններ: