Բարեկրթություն և խոսքի վարպետություն

Սովորողների տարիքային խումբը՝ 7-ից 18 տարեկան
Սովորողների քանակը ՝ 8-ից 15 սովորող
Ժամաքանակ՝ շաբաթական 6-ից մինչև 8 դասաժամ
Պարապմունքների տևողությունը `1 դասաժամի տևողությունը 45 րոպե, շաբաթական՝ 8 դասաժամ
Ուսուցման տևողությունը ՝ երեք տարի

 Մարդկային գործունեության արդյունքում աշխարհը շարունակ փոփոխվում է: Արդի աշխարհը հետևանքն է երեկվա մեր գործելակերպի, իսկ մեր այսօրվա գործողությունները պայմանավորում են մեր ապագան: Այս գիտակցությամբ կարող ենք այսօր օգնել մեր սաներին` հետազոտելու և վերլուծելու այն գործընթացները, որոնք ներգործություն ունեն ապագայի ձևավորման վրա: Հարկավոր է ուղղորդել նրանց, որպեսզի կարողանան գիտակցված և պատասխանատվությամբ գործել` նպաստելով ավելի բարվոք ապագայի կերտմանը:
Ծրագրի իրականացման գաղափարը թելադրվել է հենց այս անհրաժեշտության գիտակցմամբ՝ հիմք ընդունելով այն հիմնական հմտությունները, որոնք անհրաժեշտ են համակողմանիորեն անձի ձևավորման համար: Դրանք ապահովում են մարդու հարմարունակ, դրական վարքը, որը նրան հնարավորություն է տալիս արդյունավետ կերպով հաղթահարելու առօրյա կյանքի պահանջներն ու դժվարությունները՝ օգնելով տեղեկացված որոշումներ կայացնել, խնդիրներ լուծել, քննադատաբար և ստեղծագործաբար մտածել, արդյունավետ հաղորդակցվել, առողջ փոխհարաբերություններ կերտել, ապրումակցել այլ մարդկանց, սեփական կյանքը կազմակերպել այնպես, որ այն առողջ և արդյունավետ լինի: Կյանքի հմտությունները կարող են դրսևորվել ինչպես սեփական անձին, այնպես և ուրիշներին ուղղված գործողություններում: Դրանք կարող են դրսևորվել նաև այն գործողություններում, որոնք ներգործում են շրջակա միջավայրի վրա՝ այն առավել բարենպաստ դարձնելու միտումով: Խոսքի վարպետության շնորհիվ մարդը կարողանում է ճիշտ հաղորդակցվել, կառուցել գրագետ, համոզիչ գրավոր և բանավոր խոսք։ 

ՈՒՍՈՒՑՄԱՆ ՁԵՎԵՐԸ