Ռուսաց լեզու

Սովորողների տարիքային խումբը՝ 8-ից 18 տարեկան
Սովորողների քանակը ՝ 12-ից ոչ պակաս
Պարապմունքների տևողությունը `1 դասաժամի տևողությունը 45 րոպե, շաբաթական՝ 6դասաժամ
Ուսուցման տևողությունը ՝ մեկ տարի

Ռուսաց լեզվի ուսուցումն ուրույն նշանակություն ունի անհատի աշխարհաճանաչողության, նրա մտավոր առաջընթացի ձևավորման գործում, ուստի ռուսաց լեզվի խմբակի սաների ուսուցման հիմքում ընկած է լեզվական և գրականագիտական հմտությունների ձևավորումն ու զարգացումը:
Առանձնահատուկ պահանջ է դրված բառին, նրա իմաստին, ճիշտ բառօգտագործմանը, բառերի իմաստային և քերականական կապակցելիությանը, բառերի փոխաբերական կիրառությանը, նախադասությունների մեջ բառերի և բառաձևերի դերին: Այս ամենը նպաստելու են ինչպես կապակցված խոսք կազմելու հմտությունների ձևավորմանը, այնպես էլ բառապաշարի հարստացմանը, սովորողների տրամաբանական և լեզվամտածողության զարգացմանը, դպրոցում ձեռքբերած գիտելիքների ամրապնդմանը և զարգացմանը:
Առանձնահատուկ ուշադրություն է դարձվում հնչյունաբանությանը, բառագիտությանը և դարձվածաբանությանը, շարահյուսությանը, տեքստի պատրաստմանն ու կապակցված խոսքին:  
Կարևորվում է լեզվի տեսական իմացությունը և դրա գործնական կիրառությունը՝ ազատ հաղորդակցումը ռուսերեն լեզվով:
 

ՈՒՍՈՒՑՄԱՆ ՁԵՎԵՐԸ
Ուսումնական գործընթացն իրականացվում է տեսական և գործնական պարապմունքների զուգորդման միջոցով:
Յուրաքանչյուր սովորողին ցուցաբերվում է  անհատական մոտեցում,  հաշվի առնելով կարողությունները, ընկալման առանձնահատկությունները: 
Ուսուցման ընթացքում կիրառվում են տարբեր մեթոդներ՝ խոսքային, գործնական, զրույցի, բանվեճի, ցուցադրման, դերային խաղի, բեմականացման, մտքերի գրավոր և բանավոր արտահայտման։ Այս մեթոդների շնորհիվ սաների մոտ կձևավորվի ազատ մտածողություն և արտահայտվելու հմտություն։
Անցկացվում են բաց դասեր, մշակութային բնույթի ֆիլմերի դիտումներ, ճանաչողական այցեր, էքսկուրսիաներ, քննարկումներ և նմանատիպ այլ կրթամշակութային միջոցառումներ:
Մանկավարժը բացահայտում է սանի գործնական կարողությունները, ըմբռնում նրա ստեղծագործելու  միտքը, հնարավորություն ընձեռնում սանին օգտագործելու իր իմացությունը:

ԾՐԱԳՐԻ ԱՐԴՅՈՒՆՔՆԵՐԸ
 

Ծրագրի շրջանակում սովորողները պետք է՝

• ունենան հաղորդակցվելու կարողություն և հմտություն,

• կատարեն ռուսերեն լեզվով բավարար թարգմանություններ,

• ամրապնդեն դպրոցում ստացած գիտելիքները,

• ունենան պատասխանատվություն

• տիրապետեն լեզվի առանձնահատկություններին,

• ունենան որոշակի նախամասնագիտական կողմնորոշում,

• տեսնեն, գնահատեն և հասկանա գեղեցիկը շրջակա միջավայրում,

• ակտիվ մասնակցություն ունենան մշակութային կյանքի աշխուժացմանը,

• ծանոթանան այլ ազգերի մշակույթին: