Գորգագործություն

Սովորողների տարիքային խումբը՝ 6-ից 18 տարեկան
Սովորողների քանակը ՝ 7-ից ոչ պակաս
Ժամաքանակ՝ շաբաթական 6-ից մինչև 8 դասաժամ
Պարապմունքների տևողությունը `1 դասաժամի տևողությունը 45 րոպե, շաբաթական՝ 6-8 դասաժամ Ուսուցման տևողությունը ՝ երեք տարի

Գորգագործությունը հայկական ժողովրդական արվեստի ավանդական ճյուղերից է և հայկական մշակույթի խորհրդանիշերից մեկը: Խմբակում սաները ծանոթանում են հայկական գորգագործության ստեղծման պատմությանը, կիրառվող գործիքներին և օժանդակ պարագաներին: Ուսումնասիրում են արվեստի կոմպոզիցիայի պատմություն, սովորում նախապատրաստել աշխատատեղը, ընտրում զարդանախշեր և զարդապատկերներ, գծագրում և էսքիզավորում ձեռագործ աշխատանքները: Սաներին ներկայացվում են հայկական գորգերի առանձնահատկությունները, դրանց գունային համադրությունն ու ազգային զարդանախշերի հյուսվածքների կառուցվածքը: Ծանոթանալով հայկական գորգագործության և զարդանախշերի տիպային պատմությանը, սաներն արժևորում են հայկական մշակույթը, և այդ ամենն արտացոլում ստեղծագործական աշխատանքների մեջ: Ուսումնասիրելով գորգագործութունը՝ որպես դեկորատիվ-կիրառական արվեստի ճյուղ, սաները կամրապնդեն մասնագիտական գիտելիքները, հմտություններն ու  կպահպանեն ազգային արժեքները, կնպաստեն դրանց հանրայնացմանը: 
Խմբասենյակում ուսումնական գործընթացի կազմակերպման համար ստեղծված են բոլոր անհրաժեշտ պայմանները՝ գորգագործական աշխատանքային դազգահներ, հումքի ստացման և մշակման գործիքներ, հարմարանքներ, գորգագործական տորք, մասնագիտական գրականություն:
Պարբերաբար կազմակերպվում են հաշվետու ցուցահանդեսներ սաների կատարած աշխատանքների արդյունքները ներկայացնելու նպատակով: 

ՈՒՍՈՒՑՄԱՆ ՁԵՎԵՐԸ