Հագուստի մոդելավորում

Ծրագիրը նախատեսված է 10-ից մինչև 18 տարեկան դեռահասների համար:

Ուսուցման  տևողությունը՝ 2 տարի: 

Խմբակում սովորողների թիվը՝ 8-12 սան:

Պարապմունքների  անցկացման ձևը՝  խմբային և անհատական:

Պարապմունքների տևողությունը `

- 1 դասաժամի տևողությունը 45 րոպե, շաբաթական՝  6-8 դասաժամ:

 

Ուսումնական գործընթացն իրականացվում է տեսական և գործնական պարապմունքների զուգորդման միջոցով:

Խմբասենյակում ուսումնական գործընթացի կազմակերպման համար ստեղծված են բոլոր անհրաժեշտ պայմանները՝ կարի եզրակարող և ասեղնագործող մեքենաներ, մանեկեններ (նմուշօրինակ), ուսումնական նյութեր և  այլ անհրաժեշտ պարագաներ:

Հագուստի մոդելավորման խմբակում սաները սովորում են կատարել համապատասխան չափումներ, գրանցել դրանք, հագուստի նախագծման համար կատարել անհրաժեշտ հաշվարկներ, գծել էսքիզներ, նախագծել, կատարել գծագրերի փոփոխություններ և ստանալ ձևանմուշ:

Ինքնուրույն կատարել չափափորձումներ, հագուստի տվյալ տեսակին համապատասխան ընտրել նյութեր, գնահատել դրանց որակը և հատկությունները, կատարել հագուստի մասնիկների ձևում, կարել ամբողջական հագուստ, վերացնել հագուստի թերությունները,  կատարել հագուստի հարդարման գործողություններ, պահպանել անվտանգության կանոնները: 

Սաները պարբերաբար ցուցադրում են իրենց մոդելավորած և կարած հագուստները, կենտրոնի այլ խմբակների և միջոցառումների համար կարում են համապատասխան զգեստներ:            

 

Ուսուցման արդյունքը.

 

• Կանացի, տղամարդու և մանկական հագուստների կարում, նորոգում, ձևափոխում:

• Տարբեր տեսակի անհամաչափությունների վերացում:

• Հագուստի ձևարարական աշխատանքների, կարելու  կարողությունների  ձեռքբերում:

• Մասնագիտական ճիշտ կողմնորոշման ձեռքբերում:

• Առօրյայի նպատակահարմար և արդյունավետ կազմակերպում: